უკრაინასთან ომში ბელგოროდის ყოფილი მერი კონსტანტინ პოლეჟაევი დაიღუპა
რუსეთის ბელგოროდის ოლქის გუბერნატორის ყოფილი მოადგილე და ამავე რეგიონის ადმინისტრაციული ცენტრის, ქალაქ ბელგოროდის ყოფილი მერი კონსტანტინ პოლეჟაევი უკრაინის წინააღმდეგ ომში დაიღუპა. ეს ცნობა რუსულმა მედიასაშუალებებმა 22 სექტემბერს პოლეჟაევის ახლობლებზე დაყრდნობით ავრცელებენ.
კონსტანტინ პოლეჟაევმა, რომელიც ქრთამის აღების ბრალდებით იყო გასამართლებული, რუსეთის თავდაცვის სამინისტროსთან კონტრაქტი 2024 წელს გააფორმა. მან სასჯელაღსრულების კოლონია უკრაინის წინააღმდეგ საბრძოლველად წასვლის სანაცვლოდ დატოვა.
ბელგოროდის ექს-მერის დაღუპვის შესახებ პირველად რუსულმა გამოცემა „ფონარმა” დაწერა, რის შემდეგაც ინფორმაცია პოლეჟაევის ახლობლებმა გამოცემა „კომერსანტსაც” დაუდასტურეს. გავრცელებული ცნობებით, მან სასიკვდილო ჭრილობები დრონით განხორციელებული შეტევის შედეგად მიიღო.
დამოუკიდებელი გამოცემა „პეპელი” ეყრდნობა ომის მხარდამჭერი რუსული ტელეგრამ-არხის ავტორის, ალექსეი კარგაპოლცევის ინფორმაციას, რომლის მიხედვითაც პოლეჟაევი არა უკრაინის ტერიტორიაზე, არამედ უშუალოდ რუსეთის ბელგოროდის ოლქში დაიღუპა. უკრაინასთან მოსაზღვრე ამ რეგიონზე უკრაინის თავდაცვის ძალები იერიშებს ყოველდღიურად ახორციელებენ.
ფორმულა
წყარო: formulanews.ge