უკრაინამ ტრამპთან შეხვედრაისას ენერგეტიკული ცეცხლის შეწყვეტაზე მზაობა გამოთქვა

Newsmax-ის ინფორმაციით, უკრაინის მაღალი რანგის ოფიციალურმა პირმა განაცხადა, რომ აშშ-ის პრეზიდენტ დონალდ ტრამპსა და უკრაინის ლიდერს, ვოლოდიმირ ზელენსკის შორის გამართული ორმხრივი შეხვედრა პოზიტიური დინამიკით წარიმართა წყაროს ცნობით, უკრაინულმა მხარემ ოფიციალურად დაადასტურა თავისი მზაობა „ენერგეტიკული ცეცხლის შეწყვეტისთვის“.

ამასთან, უკრაინელი მომლაპარაკებლები ევროპელ კოლეგებს — ე.წ. E3 ქვეყნების (საფრანგეთის, გერმანიისა და დიდ ბრიტანეთის) წარმომადგენლებს — შეხვდნენ, რათა განეხილათ შესაძლო დეესკალაციის ძალისხმევა და იდეები სტივენ უიტკოფისა და ჯარედ კუშნერისთვის, რათა ამის შემდეგ მათ რუსულ მხარესთან საუბრის საშუალება მიეცეთ.

შეხვედრაზე ასევე წამოიჭრა Starlink-ის საკითხი და მისი გამოყენება რუსეთის ტერიტორიაზე არსებულ სამიზნეებზე დასარტყმელად, რაზეც აშშ-ის პრეზიდენტის პასუხი ასეთი იყო: „ამაზე ელონს უნდა ესაუბროთ“. გარდა ამისა, მხარეებმა განიხილეს Patriot-ების წარმოების ლიცენზირების თემაც, თუმცა, წყაროს ინფორმაციით, ეს გრძელვადიან პროცესს წარმოადგენს.