კიევზე რუსეთის თავდასხმას 2 ადამიანი ემსხვერპლა - დაშავებულთა რიცხვი 43-მდე გაიზარდა
რუსეთის მიერ კიევზე განხორციელებულ თავდასხმას ორი ადამიანი ემსხვერპლა, დაშავებულთა რაოდენობა კი 43-მდე გაიზარდა. ინფორმაციას კიევის მერი ვიტალი კლიჩკო, კიევის საქალაქო სამხედრო ადმინისტრაცია და უკრაინის პროკურატურა ავრცელებენ.
კლიჩკოს განცხადებით, ერთი ადამიანი საავადმყოფოში გარდაიცვალა, მეორე კი თავდასხმის შედეგად დაიღუპა.
უკრაინის პროკურატურის ინფორმაციით, დაღუპულები კიევის დნიპროსა და სოლომენსკის რაიონებში არიან. რუსულმა დრონებმა ქალაქში, მათ შორის, ბენზინგასამართ სადგურს, ბიზნესცენტრს, საოფისე შენობას, ფარმაცევტული საწარმოსა და ყოფილ ბაზრის შენობას დაარტყეს. დარტყმების შედეგად ხანძრები გაჩნდა და დაზიანდა ავტომობილები.
პროკურატურის ცნობით, რუსულმა ძალებმა იმავე ობიექტებზე განმეორებითი დარტყმებიც განახორციელეს. მომხდარზე გამოძიება ომის დანაშაულის მუხლით მიმდინარეობს.
ფორმულა
წყარო: formulanews.ge