რუსეთის ჰიბრიდული ომის საპასუხოდ უკრაინისთვის დახმარების გაზრდაა საჭირო — ნატოში აშშ-ის ელჩი
ბრიუსელში გამართულ თავდაცვის სამიტზე რუსეთის ფედერაციიდან მომდინარე ჰიბრიდული საფრთხეების ზრდის საკითხზე საუბრისას, ნატოში აშშ-ის ელჩმა მეთუი უიტაკერმა განაცხადა, რომ ევროპაში განხორციელებული მრავალი დივერსიული აქტის უკან მდგარი კრემლის მთავარი მიზანი ქმედებებით უკრაინისთვის დახმარების შემცირებაა.
უიტაკერის შეფასებით, მოკავშირეების ერთადერთი სათანადო რეაქცია კიევისთვის მხარდაჭერის გაძლიერება უნდა იყოს.
როგორც დასავლელმა დიპლომატმა აღნიშნა, რუსული ჰიბრიდული თავდასხმები და დივერსიები ევროპის უსაფრთხოებას ძირს უთხრის, თუმცა დასავლეთის ქვეყნების პასუხი ერთიანობასა და უკრაინისადმი სამხედრო თუ ფინანსურ დახმარებაზე მკაცრი ორიენტაციის შენარჩუნება უნდა იყოს. ელჩის თქმით, ნებისმიერი მცდელობა, რომ აგრესორმა დასავლეთის ყურადღება მოადუნოს, წარუმატებლობისთვისაა განწირული.
ფორმულა
წყარო: formulanews.ge