უკრაინა გაეროს ადამიანის უფლებათა საბჭოს წევრად 2027-2029 წლების ვადით აირჩიეს

უკრაინა გაეროს ადამიანის უფლებათა საბჭოს წევრად 2027-2029 წლების ვადით აირჩიეს. ამის შესახებ უკრაინის საგარეო საქმეთა მინისტრი, ანდრეი სიბიგა, სოციალურ პლატფორმა X-ზე წერს.

სიბიგამ მადლობა გადაუხადა გაეროს წევრ სახელმწიფოებს, რომლებმაც უკრაინის კანდიდატურას მხარი დაუჭირეს.

მისი განცხადებით, საბჭოს წევრობის პერიოდში უკრაინის ერთ-ერთი მთავარი პრიორიტეტი ადამიანის უფლებებისა და საერთაშორისო ჰუმანიტარული სამართლის დარღვევებისთვის პასუხისმგებლობის დაკისრება იქნება.

"უკრაინა გაეროს ადამიანის უფლებათა საბჭოს წევრად 2027-2029 წლების ვადით აირჩიეს. მადლობას ვუხდი გაეროს ყველა წევრ სახელმწიფოს, რომლებმაც მხარი დაუჭირეს უკრაინის კანდიდატურას.

უკრაინა საბჭოს უერთდება იმ პირობებში, როდესაც რუსეთის განგრძობადი აგრესიისგან საკუთარ მოსახლეობასა და სუვერენიტეტს იცავს. რუსეთის აგრესიას ადამიანის უფლებებისა და საერთაშორისო ჰუმანიტარული სამართლის მძიმე დარღვევები მოჰყვა.

საბჭოს წევრობისას უკრაინის ერთ-ერთი მთავარი პრიორიტეტი ამ დარღვევებისთვის პასუხისმგებლობის დაკისრება იქნება. ჩვენ მხარს დავუჭერთ დარღვევების დოკუმენტირებისა და გამოძიების საერთაშორისო მექანიზმებს, ვიზრუნებთ სამხედრო ტყვეებისა და უკანონოდ დაკავებული მშვიდობიანი მოქალაქეების დაცვაზე და გავაგრძელებთ ძალისხმევას დეპორტირებული და იძულებით გადაყვანილი უკრაინელი ბავშვების დასაბრუნებლად.

საკუთარ გამოცდილებაზე დაყრდნობით, პარტნიორებთან ერთად ვიმუშავებთ პასუხისმგებლობის მექანიზმების გაძლიერებაზე, ადამიანის ღირსების დაცვაზე, ადამიანის უფლებათა დაცვის საერთაშორისო სისტემის განმტკიცებასა და ამ სფეროში არსებული გლობალური გამოწვევების დაძლევაზე", - წერს სიბიგა.