ევროკომისარი მარტა კოსი: მონტენეგრო, მოლდოვა და უკრაინა ევროინტეგრაციის გზაზე ლიდერობენ
გაფართოების საკითხებში ევროკომისარმა მარტა კოსმა ევროკავშირში გაწევრიანების კანდიდატი ქვეყნების — მონტენეგროს, მოლდოვისა და უკრაინის პროგრესზე ისაუბრა. კოსის განცხადებით, მონტენეგრო რეალისტურ გზას ადგას, რომ 2028 წელს ევროკავშირის 28-ე წევრი გახდეს.
ქვეყანამ უკვე დახურა მოლაპარაკებების ორი მესამედი და გაწევრიანების ხელშეკრულებაზე მუშაობა უკვე დაწყებულია, რომლის ხელმოწერაც 2027 წლის ივნისში იგეგმება.
ევროკომისარმა მოლდოვას „კლასში საუკეთესო მოსწავლე“ უწოდა და აღნიშნა, რომ უპრეცედენტო საგარეო ზეწოლის მიუხედავად, ქვეყანამ შთამბეჭდავ პროგრესს მიაღწია და ყველა სამომლაპარაკებლო კლასტერის გასახსნელად მზად არის.
რაც შეეხება უკრაინას, მარტა კოსის თქმით, ომის ყველაზე რთულ პირობებშიც კი ქვეყანა აგრძელებს რეფორმების დაჩქარებულ გატარებას, რის გამოც წლის ბოლომდე ყველა სამომლაპარაკებლო კლასტერის გახსნაა მოსალოდნელი.
ფორმულა
წყარო: formulanews.ge