გიორგი დონაძე პატრიარქზე: დღეს ჩვენ თუ საგალობელი გვესმის საქართველოში, არის მისი კურთხევით. დღეს, 2 ათასი ბავშვი საქართველოს სალოტბარო სკოლებში თუ მღერის, გალობს, არის მისი კურთხევით შექმნილი

„დღეს ჩვენ თუ საგალობელი გვესმის საქართველოში, არის მისი კურთხევით. დღეს, 2 ათასი ბავშვი საქართველოს სალოტბარო სკოლებში თუ მღერის, გალობს, არის მისი კურთხევით შექმნილი“, - განაცხადა ტელეკომპანია „იმედის“ ეთერში ფოლკლორის ცენტრის ხელმძღვანელმა გიორგი დონაძემ.

მისი თქმით, ძალიან ემოციური დღეებია.

„ვუსამძიმრებ სრულიად საქართველოს. ყველა ერთად ვხედავთ, თუ რა ხდება, ხალხი როგორ აცილებს ერის მამას. მან დიდი სიყვარული დატოვა ჩვენ ქვეყანაში, ყველა ადამიანის გულში შევიდა, ყველა ოჯახში შეაღწია მისმა სიყვარულმა.

მისი უწმინდესობა, რა თქმა უნდა, ჩვენთვის განსაკუთრებული იყო იმიტომ, რომ 26 წელია, მასთან ვართ. კარგად გვახსოვს ყველა ის დღე, რომელიც მასთან ერთად ჩვენ გავიარეთ. ძალიან ემოციური დღეებია, სევდით სავსე და ასევე, მინდა ვთქვა, რომ დიდ ნუგეშს ვგრძნობთ, მთელი ერი ამას გრძნობს, რომ გლოვასთან ერთად არის დიდი ძალა.

დღეს ჩვენ თუ საგალობელი გვესმის საქართველოში, არის მისი კურთხევით. დღეს, 2 ათასი ბავშვი საქართველოს სალოტბარო სკოლებში თუ მღერის, გალობს, არის მისი კურთხევით შექმნილი. თუ ქართული ხალხური სიმღერა ჟღერს, მისი დიდი თანადგომით არის“, - აღნიშნა გიორგი დონაძემ.