ABC News: ორდღიანი დაბომბვის მიუხედავად, აშშ ირანთან ბირთვულ საკითხებზე ტექნიკური მოლაპარაკებებს აგრძელებს
იმედი|imedinews.ge
აშშ-სა და ირანს შორის ბირთვულ საკითხებზე ტექნიკური მოლაპარაკებები გრძელდება, მიუხედავად თეირანის წინააღმდეგ მიმდინარე კვირაში განხორციელებული საპასუხო დარტყმებისა. ინფორმაციას ABC News-ი ამერიკელ ოფიციალურ პირზე დაყრდნობით ავრცელებს.
„შეერთებული შტატები კვლავაც ერთგულია, იპოვოს პრობლემის გადაწყვეტა და ტექნიკური მოლაპარაკებები გრძელდება. ირანს არასდროს ექნება ბირთვული იარაღი“, – ციტირებს ტელეარხი ამერიკელ ჩინოვნიკს.
აშშ-ის წარმომადგენლის განცხადებით, 60-დღიანი ცეცხლის შეწყვეტის შეთანხმება და ურთიერთგაგების მემორანდუმი „შესრულებაზეა დაფუძნებული“, თუმცა ირანის ქმედებები „მიუღებელ დონეზე წარუმატებელ შესრულებას წარმოადგენს“.
„ირანის თავდასხმები ამ უდანაშაულო გემებზე ტერორისტული აქტებია“, – განაცხადა მან.
გაზიარება:
იმედი
წყარო: imedinews.ge