აკაკი ალადაშვილი: ძალიან სამწუხაროა, რომ ღარიბაშვილის ბოლო განცხადების ხაზთან ნარატივს დააჯდა რადიკალური ოპოზიცია და ერთად ატეხეს აჟიოტაჟი

ძალიან სამწუხაროა, რომ ღარიბაშვილის ბოლო განცხადების ხაზთან ნარატივს დააჯდა რადიკალური ოპოზიცია და ერთად ატეხეს აჟიოტაჟი, - განაცხადა პარლამენტის საპროცედურო საკითხთა კომიტეტის თავმჯდომარის პირველმა მოადგილემ აკაკი ალადაშვილმა.

მისი თქმით, ოპოზიცია, როგორც სჩვევია, ფაქტების გარეშე საუბრობს და კონკრეტიკის დროს პასუხები არ აქვს.

„რაც ძალიან სამწუხაროა, მის ამ ბოლო განცხადების ხაზთან ნარატივს დააჯდა რადიკალური ოპოზიცია, ერთად ატეხეს აჟიოტაჟი ამასთან დაკავშირებით, მაგრამ მათ როგორც სჩვევიათ, ფაქტების გარეშე საუბრობენ, მხოლოდ თავიანთი აღქმების შესაბამისად და ტყუილებს. როდესაც უკვე კონკრეტიკაში გადადის საკითხი და კითხვები ისმება, მათ, როგორც ჩვენ ეს არაერთხელ გვინახავს, არ აქვთ პასუხები“, - განაცხადა ალადაშვილმა.