„არა, არა, არავითარ შემთხვევაში“ - ტრამპმა განაცხადა, რომ ირანისთვის სანქციების შემსუბუქება არ იგეგმება იმ შემთხვევაშიც კი, თუ ქვეყანა მაღალგამდიდრებული ურანის მარაგებზე უარს იტყვის

აშშ-ის პრეზიდენტმა, დონალდ ტრამპმა განაცხადა, რომ ირანისთვის სანქციების შემსუბუქება არ იგეგმება იმ შემთხვევაშიც კი, თუ ქვეყანა მაღალგამდიდრებული ურანის მარაგებზე უარს იტყვის.

ამის შესახებ თეთრი სახლის ლიდერმა ოთხშაბათს, ტელეკომპანია PBS News-თან სატელეფონო ინტერვიუში ისაუბრა. კითხვაზე, ითვალისწინებს თუ არა მიმდინარე ჩარჩო შეთანხმება ირანის მიერ მაღალგამდიდრებული ურანის დათმობას სანქციების მოხსნის სანაცვლოდ, პრეზიდენტმა მკვეთრად უარყოფითი პოზიცია დააფიქსირა.

„არა, არა, არავითარ შემთხვევაში. სანქციების შემსუბუქებაზე საუბარიც არ არის, არა. ისინი მაღალგამდიდრებულ ურანზე უარს იტყვიან, თუმცა არა სანქციების მოხსნის სანაცვლოდ. არა, არა, ნამდვილად არა“, - დასძინა დონალდ ტრამპმა.