არჩილ გორდულაძე 4 ოქტომბრის საქმეზე: იმ ადამიანების თითქმის ნახევარი, რომლებიც სისხლის სამართლებრივ პასუხისგებაში იყვნენ მიცემულები, პირდაპირ აღიარებს დანაშაულს, საპროცესო შეთანხმებაზე მოდის. არამხოლოდ აღიარებს, რომ ძალადობრივ აქციასა და ქმედებებში მონაწილეობდა, არამედ ინანიებს ამ ყველაფერსაც

იმ ადამიანების თითქმის ნახევარი, რომლებიც სისხლის სამართლებრივ პასუხისგებაში იყვნენ მიცემულები, პირდაპირ აღიარებს დანაშაულს, საპროცესო შეთანხმებაზე მოდის, - განაცხადა გადაცემაში „ღია ეთერი-დებატები“ პარლამენტის იურიდიულ საკითხთა კომიტეტის თავმჯდომარე არჩილ გორდულაძემ 4 ოქტომბრის საქმეზე.

გორდულაძის თქმით, არამხოლოდ აღიარებს, რომ ძალადობრივ აქციასა და ქმედებებში მონაწილეობდა, არამედ ინანიებს ამ ყველაფერსაც.

„თქვენ შეგიძლიათ გადაამოწმოთ რას ამბობდა ზუსტად 4 ოქტომბერს, მაგალითად ქალბატონი მაია სანდუ. ქალბატონმა მაია სანდუმ 4 ოქტომბერს დაასრულა საპრეზიდენტო არჩევნების მეორე ტური და ამ დროს უცებ გაახსენდა საქართველო. მისი ფიქრები მეორე ტურის დროს მხოლოდ და მხოლოდ საქართველოზე იყო მომართული. გამაგრდით ქართველებოო, ზუსტად იმ დროს დაწერა, როდესაც საქართველოში 37 სამართალდამცველზე ძალადობდნენ, ასახიჩრებდნენ, იჭრებოდნენ კონსტიტუციური ორგანოს წარმომადგენლის, თანამდებობის პირის დაწესებულებაში. ცდილობდნენ, რომ ძალაუფლება ხელში ჩაეგდოთ და ეს შემთხვევითი არ არის, მხოლოდ და მხოლოდ ის, რომ პრეზიდენტის სასახლე იყო მიზნად ამოღებული, ან თუნდაც საკრებულო. საკრებულოს თავისი დანიშნულება შესაძლოა ჰქონოდა. მიხეილ სააკაშვილი და საკრებულოდან გადმოდგომა გვახსოვს ჩვენ და პრეზიდენტის სასახლე, სადაც სალომე ზურაბიშვილი გაფაციცებით ელოდებოდა.

შესაძლებელია სადმე თავისი შტანდარტიც კი ჰქონდა იქ მიტანილი, როდის შეცვივდებოდნენ ის ადამიანები, ვინც აღიარებენ, რომ კი, ჩვენ ორგანიზებულ ძალადობრივ მოქმედებებში ვიყავით ჩართულიო. 22-ია თუ სწორად მახსოვს ასეთი ადამიანების რაოდენობა.

ამ დროს ქალბატონი სანდუ გვეუბნება, რომ ამ ადამიანების გვერდით არის. გვეუბნება ევროპის სახალხო პარტია, რომ „ქართული ოცნების“ წარმომადგენლების მიერ ბოლო დროინდელი დაპატიმრებები და დევნის შემდგომი მუქარა მიზნად ისახავს ხალხის პროტესტის უფლების შეზღუდვას. პროტესტის უფლების შეზღუდვა ყოფილა თურმე სტრატეგიული ობიექტის ხელში ჩაგდების მცდელობა. იმავეს აკეთებს პეტერ ფიშერი. იმავეს აკეთებს დევიდ მაკალისტერი და ა.შ. იმავეს გვეუბნება ქალბატონი მარტა კოსი და კალასი, რომლებიც გვეუბნებიან, რომ თურმე ისინი მოგვიწოდებენ ხელისუფლებას, თვითნებურად დაკავებულები გათავისუფლდნენო. ესენი არის ფაქტები.

მეორე მხარეს ამავდროულად ფაქტების არის, რომ ის ადამიანები, რომლებიც იყვნენ სისხლის სამართლებრივ პასუხისგებაში მიცემულები, აქედან მათი ნაწილი, თითქმის ნახევარი, პირდაპირ აღიარებს, საპროცესო შეთანხმებაზე მოდის. არამხოლოდ აღიარებს, რომ ძალადობრივ აქციასა და ქმედებებში მონაწილეობდა, არამედ ინანიებს ამ ყველაფერსაც. ორი ფაქტი გვაქვს ერთმანეთთან. ახლა მითხარით რომელია სიმართლე თქვენი გადმოსახედიდან“, - მიმართა არჩილ გორდულაძემ ოპონენტს.