არჩილ გორდულაძე: მოლდოვის მაგალითი, რომლის მიხედვითაც საკუთარი ქვეყნის სუვერენიტეტზე ხაზის გადასმა, საკუთარი ქვეყნის მოქალაქეებისთვის თქმა იმისა, რომ თქვენ ქვეყანა აღარ გექნებათ, მხოლოდ იმიტომ რომ ევროკავშირის წევრები უნდა გახდეთო, რა სტანდარტში ჯდება, მსჯელობაც კი არ სჭირდება
იურიდიულ საკითხთა საპარლამენტო კომიტეტის თავმჯდომარე არჩილ გორდულაძე მოლდოვისა და რუმინეთის გაერთიანების ინიციატივას ეხმაურება.
„ევროკავშირი არ შეიძლება იყოს თვითმიზანი, ევროკავშირი შეიძლება იყოს შენი ქვეყნის ინტერესების დასაკმაყოფილებელი საშუალება, მაგრამ ამ ყველაფერს უგულებელყოფს მოლდოვის მაგალითი, რომლის მიხედვითაც საკუთარი ქვეყნის სუვერენიტეტზე ხაზის გადასმა, საკუთარი ქვეყნის მოქალაქეებზე თქმა იმის, რომ თქვენ ქვეყანა აღარ გექნებათ, მხოლოდ იმიტომ რომ ევროკავშირის წევრები უნდა გახდეთო, ეს რა სტანდარტში ჯდება, ან რა მაგალითს აძლევს სხვა ქვეყნებს, მსჯელობაც კი არ სჭირდება.
ჩვენი ქვეყნის დამოუკიდებლობისთვის სისხლი იმისთვის არ დაგვიღვრია, რომ შემდეგ რომელიმე ქვეყნის ან ისეთი კავშირის წევრი გავხდეთ, სადაც ჩვენი ქვეყნის სუვერენიტეტისთვის უბრალოდ ხმის ამოღების საშუალებაც კი არ იქნება უზრუნველყოფილი", - განაცხადა არჩილ გორდულაძემ.
როგორც ცნობილია, რუმინეთისა და მოლდოვას გაერთიანებასთან დაკავშირებული საკანონმდებლო წინადადება რუმინეთის დეპუტატთა პალატამ ავტომატურად დაამტკიცა და ის სენატს გადაეგზავნება.
იმედი
წყარო: imedinews.ge