აშშ-ის შეიარაღებული ძალების მეთაურთა გაერთიანებული კომიტეტის ხელმძღვანელი: მედესანტეები მზად არიან დაეშვან ირანში და საკვანძო პოზიციები დაიკავონ, როგორც ეს მეორე მსოფლიო ომის დროს სიცილიასა და ნორმანდიაში გააკეთეს

აშშ-ის შეიარაღებული ძალების მეთაურთა გაერთიანებული კომიტეტის ხელმძღვანელის, გენერალ დენ კეინის განცხადებით, ამერიკელი მედესანტეები მზად არიან და ელოდებიან ბრძანებას, რათა დაეშვან ირანის ტერიტორიაზე და საკვანძო პოზიციები დაიკავონ.

„მედესანტეები მუდმივ მზადყოფნაში არიან, ბრძანების მიღების შემთხვევაში, სამხედრო-საჰაერო ძალების თვითმფრინავებიდან გადმოხტნენ, ხმელეთზე ბრძოლა გააჩაღონ და საკვანძო პოზიციები დაიკავონ, როგორც ეს მათმა წინამორბედებმა მეორე მსოფლიო ომის დროს სიცილიასა და ნორმანდიაში გააკეთეს“, - განაცხადა გენერალმა კეინმა აშშ-ის თავდაცვის მდივანთან, პიტ ჰეგსეტთან გამართულ ტრადიციულ პრესკონფერენციაზე.