აშშ-ისა და კანადის ვიზებზე ყალბი ოფიციალური დოკუმენტების დამზადება-გასაღების ფაქტებზე 3 ბრალდებულს აღკვეთის ღონისძიებად პატიმრობა, ერთს კი გირაო შეეფარდა
ქართველი და ამერიკელი სამართალდამცველების მიერ ერთობლივად გახსნილ საქმეზე სამ ბრალდებულს აღკვეთის ღონისძიებად პატიმრობა, ერთს კი გირაო შეეფარდა. ბრალდებულთა შორის ერთი ოჯახის ორი წევრია. პატიმრობა ცოლს შეეფარდა.
„როგორც სხვა, ორგანიზებული დანაშაულის წევრს, ამ ქალბატონსაც ჰქონდა მნიშვნელოვანი როლი. შესაბამისად, ამასთან დაკავშირებით დეტალებზე ვერ ვისაუბრებთ. ქალბატონი გამოძიებასთან ბოლომდე გულახდილი არ არის.
როგორც მოგეხსენებათ, საქმე ეხება მასშტაბურ დანაშაულებრივ ორგანიზებულ ჯგუფს, სადაც მიმდინარეობს არაერთი საგამოძიებო და საპროცესო მოქმედება. შესაბამისად, ამ დანაშაულში მონაწილე პირთა წრე შესაძლებელია, გაიზარდოს.
ორგანიზებული ჯგუფის მიზანი იყო გამოგონილი ისტორიებისა და ყალბი დოკუმენტაციის საფუძველზე კონკრეტულ პირებს მიეღოთ თავშესაფარი თუ ვიზები აშშ-ში. შესაბამისად, საქმეში არსებობს არაერთი პირდაპირი მტკიცებულება“, - განაცხადა პროკურორმა, ლაშა გამყრელიძემ ჟურნალისტებთან საუბრისას.
ამერიკის შეერთებული შტატებისა და კანადის ვიზებზე ყალბი ოფიციალური დოკუმენტების დამზადება-გასაღების ფაქტებზე ბრალდებულთაგან ხუთს აღკვეთის ღონისძიებად პატიმრობა შეეფარდა.
საქართველოს პროკურატურის და ამერიკის შეერთებული შტატების საელჩოს რეგიონული უსაფრთხოების სამსახურის მიერ ერთობლივად ჩატარებული ღონისძიების შედეგად გამოვლენილია ორი ორგანიზებული დანაშაულებრივი ჯგუფი გამოვლინდა.
გახსნილ ორგანიზებულ დანაშაულებზე საქართველომ მადლობა შეერთებული შტატებისგან მალევე მიიღო.
იმედი
წყარო: imedinews.ge