AXIOS: ტრამპი ნეთანიაჰუს სირიიდან და ლიბანიდან ძალების გაყვანისკენ მოუწოდებს
აშშ-ისა და ისრაელის ოფიციალური პირების ინფორმაციით, პრეზიდენტმა ტრამპმა ხუთშაბათს, ისრაელის პრემიერ-მინისტრ ბენიამინ ნეთანიაჰუსთან სატელეფონო საუბრისას განაცხადა, რომ ისრაელმა უნდა დაიწყოს თავისი ძალების სირიიდან გაყვანა და მოუწოდა მას, იგივე გააკეთოს ლიბანშიც, - წერს გამოცემა AXIOS-ი.
„არჩევნებამდე სამი თვით ადრე, ნაკლებად სავარაუდოა, რომ ნეთანიაჰუმ მნიშვნელოვანი ნაბიჯები გადადგას ისრაელის ძალების სირიის ტერიტორიებიდან გასაყვანად, ან დაუშვას ლიბანში შემდგომი გადანაწილება, იმის გარდა, რაზეც უკვე თანახმაა“, - ნათქვამია სტატიაში.
თუმცა, ტრამპის მოთხოვნები კიდევ უფრო ზრდის ისრაელის ლიდერზე ზეწოლას. ისრაელის თავდაცვითი ძალები ამჟამად განლაგებულნი არიან სამხრეთ ლიბანისა და სამხრეთ სირიის დიდ ნაწილში.
აშშ-ის ოფიციალურმა პირმა განაცხადა, რომ ტრამპმა ნეთანიაჰუს უთხრა, რომ ისრაელის სამხედრო ძალების ყოფნა სირიის ტერიტორიაზე დაძაბულობას ქმნის და შესაძლოა, ესკალაცია გამოიწვიოს.
იმედი
წყარო: imedinews.ge