Axios: ტრამპმა ირანზე დარტყმები შეაჩერა, რათა დიპლომატიას მისცეს შანსი
დონალდ ტრამპმა ამერიკელ სამხედროებს დაავალა, პარასკევს ირანზე ახალი დარტყმები არ განეხორციელებინათ, რითაც შეწყვიტა ყოველდღიური შეტევების თითქმის ორკვირიანი სერია, - წერს Axios-ი წყაროებზე დაყრდნობით.
„პრეზიდენტმა ტრამპმა სამხედრო სარდლობას სთხოვა, პარასკევს ირანზე დარტყმები არ განეხორციელებინათ. ეს მოხდა თითქმის ორკვირიანი უწყვეტი შეტევების შემდეგ“, - აღნიშნავს გამოცემა.
როგორც Axios-ი წერს, ეს ნაბიჯი „ერთი მხრივ, ასახავს ტრამპის სურვილს, მეტი შანსი მისცეს დიპლომატიურ დარეგულირებას, ხოლო მეორეს მხრივ - აჩვენებს, რომ აშშ-ის დარტყმებმა არსებული მასშტაბით ეფექტიანობის პიკს მიაღწია“.
ამერიკული სარდლობის შეფასებით, ირანზე სერიოზული ზემოქმედების გაგრძელება მხოლოდ სრულმასშტაბიანი ოპერაციით იქნებოდა შესაძლებელი, სამხედროები მზად არიან ასეთი მოქმედებებისთვის, თუ ამის საჭიროება დადგება, - ნათქვამია პუბლიკაციაში. ამავდროულად, ჟურნალისტების მონაცემებით, ტრამპს ირანის წინააღმდეგ ოპერაციის შესაძლო გაფართოებასთან დაკავშირებით ჯერჯერობით არანაირი განკარგულება არ გაუცია.
იმედი
წყარო: imedinews.ge