AXIOS-ის ცნობით, აშშ-სა და ირანს შორის შეთანხმება, შესაძლოა, უახლოეს ორ დღეში ჟენევაში გაფორმდეს
იმედი|imedinews.ge
გამოცემა AXIOS-ის ცნობით, ამერიკის შეერთებულ შტატებსა და ირანს შორის შეთანხმება, შესაძლოა, უახლოეს ორ დღეში ჟენევაში გაფორმდეს.
როგორც გამოცემა იუწყება, პენტაგონმა უსაფრთხოების ზომების გასამკაცრებლად ჟენევაში საჰაერო ძალების ოთხი თვითმფრინავი გაგზავნა.
AXIOS-ის წყაროს ინფორმაციით, წინასწარი შეთანხმება კატარისა და პაკისტანის შუამავლობით, 10 ივნისის ღამით შედგა. დეტალებზე მუშაობა კი კვლავ გრძელდება.
გამოცემის მიხედვით, აშშ-ის პრეზიდენტი დონალდ ტრამპი თანახმაა, გამდიდრებული ურანი, გაეროს ექსპერტების მეთვალყურეობით, ირანის ტერიტორიაზე განეიტრალდეს.
გაზიარება:
იმედი
წყარო: imedinews.ge