აზერბაიჯანის საგარეო საქმეთა მინისტრი: ძალიან მნიშვნელოვანი ენერგეტიკული და ვაჭრობის დერეფანი გადის აზერბაიჯანს, საქართველოსა და სომხეთს შორის. გვინდა, რომ ეს პოტენციალი გაიზარდოს

ძალიან მნიშვნელოვანი ენერგეტიკული და ვაჭრობის დერეფანი გადის აზერბაიჯანს, საქართველოსა და სომხეთს შორის. გვინდა, რომ ეს პოტენციალი გაიზარდოს, - განაცხადა აზერბაიჯანის საგარეო საქმეთა მინისტრმა ჯეიჰუნ ბაირამოვმა თურქეთში გამართულ ბრიფინგზე.

მინისტრის თქმით, საქართველომ, აზერბაიჯანმა და თურქეთმა შეძლეს რეგიონული დაკავშირებადობის განხორციელება, რამაც საბოლოო ჯამში გამოიწვია ამ სამ ქვეყანაში კეთილდღეობის გაზრდა მოსახლეობის სასარგებლოდ.

„ძალიან მნიშვნელოვანი ენერგეტიკული და ვაჭრობის დერეფანი გადის აზერბაიჯანს, საქართველოსა და სომხეთს შორის. გვინდა, რომ ეს პოტენციალი გაიზარდოს. სწორედ ამიტომ განვახორციელეთ, ბაქო-თბილისი-ჯეიჰანის, ბაქო-თბილისი-ერზრუმის მილსადენი. გავიყვანეთ ისე, რომ ჩვენ გადავიქეცით ნამდვილ გზაჯვარედინად ამ ენერგომატარებლების გატარების მხრივ. ამით ჩვენ შევძელით რეგიონული დაკავშირებადობის განხორციელება, რამაც საბოლოო ჯამში გამოიწვია ამ სამ ქვეყანაში კეთილდღეობის გაზრდა მოსახლეობის სასარგებლოდ.

ყველაზე მნიშვნელოვანი ასპექტი გახლავთ ის, რომ ჩვენს ქვეყნებს შორის ეს თანამშრომლობა, არ აქვს მნიშვნელობა რაოდენ მნიშვნელოვანიც უნდა იყოს ეს დანარჩენი მსოფლიოსთვის, მას მაინც ორმხრივად ძალიან დიდი მნიშვნელობა აქვს თვითონ ქვეყნებს შორის, ურთიერთშორის. ამიტომ ჩვენ ვმუშაობთ ერთად, რომ მუდმივად ვითანამშრომლოთ როგორც თავდაცვის, ასევე ეკონომიკის სამინისტროსთან და ა.შ. რათა ეს ჩვენი გეგმები, ჩვენი პროექტები ამ ინსტიტუციების ჩართულობის ფონზე განვავითაროთ. ამ კუთხით, იმ პროექტებთან დაკავშირებით, რაზედაც მე უკვე გესაუბრეთ, ამასთან ერთად ახალ პროექტებზე ჩვენ დავსახეთ შემდგომი თანამშრომლობა და მუშაობის გაგრძელება“, - აღნიშნა მან.

სტამბოლში საქართველოს, თურქეთისა და აზერბაიჯანის საგარეო საქმეთა მინისტრების მეათე სამმხრივი შეხვედრა გაიმართა. მინისტერიალის ფარგლებში ხელი მოეწერა ერთობლივ დეკლარაციას.