ბალაშ ორბანი: როგორც კი არათანაბარი წევრობის პრინციპი დამკვიდრდება, ეს მხოლოდ მომავალ წევრებზე არ გაჩერდება. ადრე თუ გვიან, ეს შეიძლება იქცეს ინსტრუმენტად ევროკავშირში შემავალი მცირე წევრი სახელმწიფოების პოზიციების შესასუსტებლად

უნგრელი დეპუტატი ევროკავშირში ახალი წევრი სახელმწიფოების შეზღუდული უფლებით მიღებას ეწინააღმდეგება. ბალაშ ორბანი სოციალურ ქსელში წერს, რომ იტალია სათავეში ჩაუდგა იმ ევროპული ქვეყნების კოალიციას, რომლებიც უპირისპირდებიან საფრანგეთისა და გერმანიის ინიციატივას, რომ დასავლეთ ბალკანეთის ქვეყნები ბლოკში შეზღუდული სუვერენიტეტითა და ინსტიტუციური უფლებებით მიიღონ. უნგრელი პარლამენტარის თქმით, ასეთი მიდგომა ე.წ. მეორე კლასის წევრებს შექმნის, რაც სამომავლოდ სხვა პატარა სახელმწიფოებზეც გავრცელდება.

„მოდით, მკაფიოდ ვთქვათ: როგორც კი არათანაბარი წევრობის პრინციპი დამკვიდრდება, ეს მხოლოდ მომავალ წევრებზე არ გაჩერდება. ადრე თუ გვიან, ეს შეიძლება იქცეს ინსტრუმენტად ევროკავშირში შემავალი მცირე წევრი სახელმწიფოების პოზიციების შესასუსტებლად. უნგრეთის სასიცოცხლო ეროვნულ ინტერესებში შედის, დაუპირისპირდეს ამ წინადადებას და გვერდით დაუდგეს მათ, ვინც თანაბარი წევრობის პრინციპს იცავს. იტალიამ, ავსტრიამ, ხორვატიამ, ჩეხეთმა, საბერძნეთმა, სლოვაკეთმა და სლოვენიამ უკვე დააფიქსირეს საკუთარი პოზიცია. სად არის უნგრეთი?“ - წერს ორბანი.