ბათუმის დრამატულ თეატრში სპექტაკლის „ბიჩ“ პრემიერა გაიმართა
ბათუმის დრამატულ თეატრში სპექტაკლის „ბიჩ“ პრემიერა გაიმართა. წარმოდგენა იუმორით, ირონიითა და მოულოდნელი ამბებით ადამიანურ ურთიერთობებზე გვიყვება.
სპექტაკლის ერთ-ერთი მთავარი თავისებურება თეატრისა და კინოს შერწყმაა, რაც მაყურებელს განსხვავებულ თეატრალურ გამოცდილებას სთავაზობს.
სპექტაკლის ავტორები და რეჟისორები გიორგი ხურცილავა და ლაშა ცქვიტინიძე არიან.
სპექტაკლი აჭარის კულტურის სამინისტროს, საქართველოს კულტურის სამინისტროს, „შემოქმედებითი საქართველოსა“ და ბათუმის დრამატული თეატრის მხარდაჭერით დაიდგა.
„ფილმისა და თეატრის გაერთიანებას უფრო ექსპერიმენტის სახე ჰქონდა. მინდა დავუფასო ყველა იმ ადამიანს ის უზარმაზარი შრომა, რომელიც ამ ორი თვის განმავლობაში ამ ახალგაზრდებმა ჩადეს იმისათვის, რომ ყველაფერი ასეთი წარმატებით დასრულებულიყო“, - განაცხადა ბათუმის დრამატული თეატრის დირექტორმა კოტე მჟავიამ პრემიერის დასრულების შემდეგ.
იმედი
წყარო: imedinews.ge