ბათუმში საქართველოს ახალგაზრდული ოლიმპიური ფესტივალი საზეიმოდ დაიხურა
იმედი|imedinews.ge
ბათუმში საქართველოს ახალგაზრდული ოლიმპიური ფესტივალი საზეიმოდ დაიხურა. ქვეყნის მასშტაბით მულტისპორტულ შეჯიბრებაში 12 რეგიონის 1200 სპორტსმენი მონაწილეობდა და გამარჯვებულები სპორტის 17 სახეობაში გამოვლინდნენ.
საერთო გუნდურ ჩათვლაში პირველი ადგილი 932 ქულით თბილისმა მოიპოვა. მეორე ადგილზე 369 ქულით აჭარა, ხოლო მესამეზე 288 ქულით იმერეთი გავიდა. საქართველოს ახალგაზრდული ოლიმპიური ფესტივალი საქართველოს ეროვნული ოლიმპიური კომიტეტის ინიციატივითა და მთავრობის მხარდაჭერით ჩატარდა.
პროექტის მთავარი მიზანი ახალგაზრდებში სპორტის პოპულარიზაცია, ნიჭიერი სპორტსმენების აღმოჩენა და მომავალი ოლიმპიელების ხელშეწყობაა.
გაზიარება:
იმედი
წყარო: imedinews.ge