Berliner Zeitung: მილიონობით იარაღია ბრუნვაში - ემუქრება თუ არა ევროპას უკრაინის ომის შემდეგ უსაფრთხოების ახალი კრიზისი?

დასავლელი მოკავშირეების მიერ უკრაინისთვის გაგზავნილი მილიონობით იარაღი ევროპის შავ ბაზარზე ხვდება, რამაც შესაძლოა კონტინენტზე, უსაფრთხოების კუთხით ახალი კრიზისი შექმნას, - წერს Berliner Zeitung-ი.

გერმანული გაზეთი, ჟურნალისტურ გამოძიებაზე დაყრდნობით წერს, რომ ესპანეთსა და ევროპის სხვა ქვეყნებში, პოლიციამ უკვე აღმოაჩინა სამხედრო დონის იარაღი, რომელიც დანაშაულებრივ ჯგუფებში ცირკულირებს, მათ შორის ნარკო-ტრეფიკინგის დაჯგუფებებში. სტატიის თანახმად, ევროპოლი, ინტერპოლი, გაერო და ევროპის დაზვერვის სამსახურები შიშობენ, რომ ომის დასრულების შემდეგ, უკრაინიდან იარაღის კონტრაბანდაა მოსალოდნელი. ამის მიზეზად, კორუფცია და დასავლეთიდან მიღებული იარაღის არასათანადოდ აღრიცხვა სახელდება.