„ბოდიშს მოვუხდი, მაპატიოს სასამართლომ“ - შალვა პაპუაშვილის მიმართ სოციალურ ქსელში მიყენებული შეურაცხყოფის ფაქტზე დაწყებული ადმინისტრაციული საქმის განხილვა ბათუმის საქალაქო სასამართლოში გადაიდო

პარლამენტის თავმჯდომარის შალვა პაპუაშვილის მიმართ სოციალურ ქსელში მიყენებული შეურაცხყოფის ფაქტზე დაწყებული ადმინისტრაციული საქმის განხილვა ბათუმის საქალაქო სასამართლოში გადაიდო. მიზეზი ტექნიკური ხარვეზის გახდა.

საქმე მანუჩარ ჯამბიძეს ეხება, რომელიც მის მიერ ჩადენილ სამართალდარღვევას აღიარებს.

„ვაღიარებ დანაშაულს, ბოდიშს მოვუხდი, მაპატიოს სასამართლომ“, - განუცხადა ჯამბიძემ ჟურნალისტებს.

საქმის განხილვა 26 ივნისს განახლდება.