ბრიტანეთის, საფრანგეთისა და გერმანიის ელჩები რუსეთის საგარეო საქმეთა მინისტრის მოადგილეს უკრაინის საკითხთან დაკავშირებით შეხვდნენ

დიდი ბრიტანეთის, საფრანგეთისა და გერმანიის ელჩები მოსკოვში რუსეთის საგარეო საქმეთა მინისტრის მოადგილეს მიხეილ გალუზინს შეხვდნენ. ინფორმაციას რუსეთის საგარეო უწყება ავრცელებს.

შეხვედრის მთავარი თემა უკრაინაში მიმდინარე ომი იყო. შეხვედრა ელჩების ინიციატივით გაიმართა.

„დიპლომატიური მისიების ხელმძღვანელებს განემარტათ უკრაინის კრიზისთან დაკავშირებით მათი ქვეყნების ხელმძღვანელების დესტრუქციული პოლიტიკის ობიექტური შეფასებები“, - აღნიშნულია რუსეთის საგარეო საქმეთა სამინისტროს მიერ გავრცელებულ ინფორმაციაში.

რუსულმა მხარემ ევროპის ქვეყნების ელჩებს აგრეთვე განუმარტა, თუ როგორ ხედავს მოსკოვი პრობლემის პოლიტიკური და დიპლომატიური მოგვარების გზებს.