ჩინური მედია: პუტინი ჩინეთში 20 მაისს ჩავა
იმედი|imedinews.ge
რუსეთის პრეზიდენტი, ვლადიმერ პუტინი ჩინეთში 20 მაისს გეგმავს ჩასვლას. ინფორმაციას ჩინური მედია ავრცელებს.
მედიის ცნობით, პუტინის ვიზიტი ერთდღიანი იქნება და ის აშშ-ის პრეზიდენტის, დონალდ ტრამპის სახელმწიფო ვიზიტის შემდეგ შედგება.
როგორც ჩინური მედია იუწყება, პუტინის ვიზიტი ნაკლებად პომპეზური იქნება და ის პეკინსა და მოსკოვს შორის რუტინული კონტაქტების გაგრძელებად ჩაითვლება.
ეს იქნება პირველი შემთხვევა, როცა ჩინეთი ორი ზესახელმწიფოს ლიდერს ერთ თვეში უმასპინძლებს, რაც მიუთითებს იმაზე, რომ პეკინს ორივე მხარესთან კარგი ურთიერთობის დამყარება სურს.
ჩინეთს აგრეთვე უნდა, რომ თავი საკვანძო სახელმწიფოდ წარმოაჩინოს სულ უფრო დაქსაქსული მსოფლიო წესრიგის პირობებში, წერს მედია.
გაზიარება:
იმედი
წყარო: imedinews.ge