CNN: ირანმა აშშ-ს სამშვიდობო შეთანხმების შეცვლილი პროექტი, შესაძლოა, პარასკევს გადასცეს

შეერთებული შტატები ელის, რომ ირანი სამშვიდობო შეთანხმების პროექტს გადახედავს და შესწორებულ ვარიანტს პარასკევს შუამავლების მეშვეობით გადასცემს. ინფორმაციას CNN-ი ავრცელებს.

მანამდე, აშშ-ის პრეზიდენტმა, დონალდ ტრამპმა განაცხადა, რომ ირანთან ომის დასრულების შესახებ მოლაპარაკებები „ტელეფონით“ მიმდინარეობს, რადგან „ჩვენ აღარ დავფრინავთ“ 18 საათს ისლამაბადში მას შემდეგ, რაც მოლაპარაკებების პირველი რაუნდი უშედეგოდ დასრულდა, ხოლო მეორე გაუქმდა.

ტრამპის განცხადებით, მისი პასუხი ირანის ნებისმიერ წინადადებაზე დამოკიდებული იქნება იმაზე, თუ რამდენად შორს წავა თეირანი ბირთვული იარაღის არ შექმნის საკითხში. „გარიგება არასდროს შედგება, თუ ისინი არ დათანხმდებიან იმას, რომ ბირთვული იარაღი არასდროს ჰქონდეთ“, - თქვა თეთრი სახლის ლიდერმა.

ცნობისთვის, ირანის სამშვიდობო შეთანხმების პირველი პროექტი ჯერ ცეცხლის შეწყვეტას, ხოლო შემდეგ ბირთვული მოლაპარაკებების დაწყებას გულისხმობდა, რაც ამერიკული მხარის მიერ უარყოფილი იყო.