CNN: ისრაელი აშშ-თან ერთად ირანის წინააღმდეგ მოკლევადიანი სამხედრო კამპანიისთვის ემზადება

ისრაელი აშშ-თან ერთად ირანის წინააღმდეგ სამხედრო ღონისძიებებს გეგმავს, რადგან ჰორმუზის სრუტეში დაძაბულობის მზარდი ესკალაცია ირანთან ზავს საფრთხის ქვეშ აყენებს. ინფორმაციას CNN-ი ავრცელებს.

როგორც ამერიკულ ტელეარხს ერთ-ერთმა ისრაელურმა წყარომ განუცხადა, ისრაელი აშშ-თან კოორდინაციით ირანის წინააღმდეგ ახალი დარტყმისთვის ემზადება, რომლის მიზანი ენერგეტიკული ინფრასტრუქტურა და მაღალი თანამდებობის ირანელი ჩინოვნიკების მკვლელობაა. გეგმის უდიდესი ნაწილი ჯერ კიდევ აპრილში, ცეცხლის შეწყვეტის გამოცხადებამდე იყო მომზადებული.

„მიზანი მდგომარეობს იმაში, რომ ჩატარდეს მოკლევადიანი კამპანია ირანზე ზეწოლის მოხდენის მიზნით, რათა მას მოლაპარაკებებზე დათმობაზე წასვლა აიძულონ“, - განუცხადა ტელეარხს წყარომ და ხაზი გაუსვა, რომ გადაწყვეტილებას საომარი მოქმედებების განახლების შესახებ აშშ-ის პრეზიდენტი, დონალდ ტრამპი იღებს.