დავით მათიკაშვილი „დემოკრატიების ალიანსის კვლევაზე: განისაზღვრა, რომ საქართველო გახლავთ ერთ-ერთი პირველი, მოწინავე პოზიციაზე, როგორც ევროკავშირის, ასევე „ნატოს წევრ ქვეყნებს შორის

საპროცედურო საკითხთა და წესების კომიტეტის თავმჯდომარე დავით მათიკაშვილი, საერთაშორისო შემფასებელი ცენტრის, „დემოკრატიების ალიანსის“ დემოკრატიის აღქმის 2026 წლის ანგარიშს გამოეხმაურა, რომლის მიხედვითაც, საქართველო მთავრობის გამჭვირვალეობით ევროპაში ერთპიროვნულად ლიდერობს.

მათიკაშვილის თქმით, კვლევის შედეგად განისაზღვრა, რომ საქართველო ერთ-ერთი პირველი და მოწინავე პოზიციაზეა როგორც ევროკავშირის, ასევე „ნატოს" წევრ ქვეყნებს შორის.

„ეს არის პასუხი ყველა იმ თავდასხმაზე, რომელიც ჩვენ მოვისმინეთ, განსაკუთრებით ბოლო პერიოდის განმავლობაში იმ დეკლარაციებით თუ სხვადასხვა ფორმით გამოხატული, სადაც პირდაპირ იყო ტყუილი და ცილისწამება ჩვენი ქვეყნის წინაშე. დემოკრატიების ალიანსი გახლავთ საერთაშორისო ორგანიზაცია, რომელსაც ხელმძღვანელობს „ნატოს" ყოფილი გენერალური მდივანი, ბატონი რასმუსენი, რომელსაც საკმაოდ დიდი ავტორიტეტი გააჩნია კვლევით მოცემულობაში და რომელმაც პირდაპირ კვლევის შედეგად განსაზღვრა, რომ საქართველო გახლავთ ერთ-ერთი პირველი, მოწინავე პოზიციაზე, როგორც ევროკავშირის, ასევე „ნატოს" წევრ ქვეყნებს შორის",- აღნიშნა მათიკაშვილმა.

დემოკრატიის აღქმის 2026 წლის ანგარიშის მიხედვით, საქართველო მთავრობის გამჭვირვალეობით ევროპაში ერთპიროვნულად ლიდერობს, არჩევნების პოზიტიური გავლენით ევროპაში მეორე ადგილზეა, გლობალური აღქმის ინდექსით კი ევროპის საუკეთესო ოცეულშია