დავით მათიკაშვილი: ევრობიუროკრატებს არ აინტერესებთ, რეალურად სად დგას ქართული დემოკრატია, არ აინტერესებთ, რომ უკრაინასთან და მოლდოვასთან შედარებით ჩვენ ბევრი საფეხურით წინ ვართ - როგორც კი აქაურ მეხუთე კოლონას სჭირდება მაშველი რგოლი, მაშინვე ხდება ევროპარლამენტის რაიმე რეზოლუციის გამოცხობა
ეს ყველაფერი ადასტურებს იმ არაჯანსაღ ინტერესს, რაც სამწუხაროდ საქართველოსთან მიმართებით გააჩნიათ ევრობიუროკრატებს, - განაცხადა გადაცემაში „EURO ანატომია“ საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა ევროპელი ბიუროკრატების საქართველოსადმი დამოკიდებულებაზე საუბრისას.
მისივე თქმით, საქართველოს, როგორც „პროქსი სახელმწიფოს“ გამოყენება, მათთვის ჯერ კიდევ ძალიან მნიშვნელოვანია, ვიდრე უკრაინაში საომარი მოქმედება მიმდინარეობს, საქართველოს შესაძლებლობები ამ ჭრილში მათთვის კვლავ აქტუალურია.
„არ აინტერესებთ, რეალურად სად დგას ქართული დემოკრატია, არ აინტერესებთ, რომ უკრაინასთან და მოლდოვასთან შედარებით ჩვენ ბევრი საფეხურით წინ ვართ, სწორედ იმ ევროპული სტანდარტის მქონე დემოკრატიისთვის, მაგრამ როგორც კი ეს პოლიტიკურად აქტუალურია, როგორც კი აქაურ მეხუთე კოლონას სჭირდება მაშველი რგოლი, მაშინვე ხდება ევროპარლამენტის რაიმე რეზოლუციის გამოცხობა; ქალბატონი რასა გამობრძანდება და ისაუბრებს ისეთ საკითხზე, რომლის მსგავსიც საქართველოში არ გვინახავს. ეს ყველაფერი ჯერჯერობით სჭირდებათ, ომი დასრულდება უკრაინაში და ვნახოთ როგორ გაგრძელდება მოვლენები“, - აღნიშნა დავით მათიკაშვილმა.
იმედი
წყარო: imedinews.ge