დავით მათიკაშვილი: ევროპის პოლიტიკის ინსტიტუტმა ევროკავშირის წევრობის 10 კანდიდატს შორის ჩაატარა კვლევა სამართლის უზენაესობის და ინსტიტუტების მდგრადობაზე. აღმოჩნდა, რომ საქართველო მონტენეგროსთან ერთად პირველ-მეორე ადგილებს ინაწილებს. უსწრებს უკრაინას, მოლდოვას და ყველა დანარჩენ კანდიდატებს

ევროპის პოლიტიკის ინსტიტუტმა ევროკავშირის წევრობის 10 კანდიდატს შორის ჩაატარა კვლევა სამართლის უზენაესობის და ინსტიტუტების მდგრადობაზე და აღმოჩნდა, რომ საქართველო მონტენეგროსთან ერთად პირველ-მეორე ადგილებს ინაწილებს - უსწრებს უკრაინას, მოლდოვას და ყველა დანარჩენ კანდიდატებს, - განაცხადა გადაცემაში „EURO ანატომია“ საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა.

მისივე თქმით, ეს არის კვლევა, რომელიც ობიექტური მდგენელის შეფასებით ხასიათდება.

„ამ კვლევამ რეალობა და სიმართლე დაანახა სრულიად საზოგადოებას - როგორც ქართულ, ასევე ევროკავშირის საზოგადოებას და მათ ბიუროკრატიას. როდესაც პოლიტიკა არის ძირითადი შემფასებელი, აბსოლუტურად ავიწყდებათ, სად არის რეალური და ობიექტური განზომილება და საქართველო მათი თავდასხმის ობიექტი ხდება“, - აღნიშნა დავით მათიკაშვილმა.