Deutsche Welle: წინასწარი მონაცემებით, ირანის ომის გამო, აპრილში გერმანიაში ენერგომატარებლებზე ფასები 10.1%-ით გაიზარდა, რამაც გერმანიაში ინფლაციის საერთო მაჩვენებლის მკვეთრი ზრდა გამოიწვია

წინასწარი მონაცემებით, ირანის ომის გამო, აპრილში გერმანიაში ენერგომატარებლებზე ფასები 10.1%-ით გაიზარდა, რამაც გერმანიაში ინფლაციის საერთო მაჩვენებლის მკვეთრი ზრდა გამოიწვია. ინფორმაციას ამის შესახებ გერმანული გამოცემა Deutsche Welle ავრცელებს.

2024 წლის აპრილთან შედარებით, სამომხმარებლო ფასები გერმანიაში 2.9%-ით გაიზარდა - ამის შესახებ ოთხშაბათს, ფედერალურმა სტატისტიკურმა უწყებამ განაცხადა.

სტატისტიკური უწყების წინასწარი შეფასებით, მარტთან შედარებით ეს მაჩვენებელი 0.6%-ით გაიზარდა. ამასთან, კვების პროდუქტებზე ფასების ზრდამ 1.2% შეადგინა, ხოლო მომსახურებაზე - 2.8%.

ჰანს ბიოკლერის ფონდის მაკროეკონომიკისა და კონიუნქტურის კვლევის ინსტიტუტის (IMK) ინფლაციის ექსპერტმა, სილკე ტობერმა „ენერგეტიკულ საფასო შოკზე“ ისაუბრა.

ამავდროულად, მომსახურების სფეროში ინფლაციის დონე მკვეთრად შემცირდა, რამაც გარკვეულწილად შეამსუბუქა ინფლაციის საერთო ზრდა - განმარტა განვითარების ბანკის (KfW) მთავარმა ეკონომისტმა, დირკ შუმახერმა.

თუმცა, მან დასძინა, რომ საქმე გვაქვს სეზონურ ეფექტთან, ამიტომ ეს მოვლენა არ უნდა იქნას აღქმული, როგორც დაძაბულობის შესუსტების რეალური ნიშანი.