დონალდ ტრამპი: შეთანხმება ძირითადად უკვე მიღწეულია, მისი საბოლოო დეტალები მალე გამოცხადდება, ჰორმუზის სრუტეც გაიხსნება

შეთანხმება ძირითადად უკვე მიღწეულია, - წერს დონალდ ტრამპი სოციალურ ქსელში. აშშ-ის პრეზიდენტის განცხადებით, შეთანხმების საბოლოო დეტალები განიხილება და მალე გამოცხადდება.

ტრამპი წერს, რომ სატელეფონო საუბარი ჰქონდა საუდის არაბეთის, არაბთა გაერთიანებული საამიროების, კატარის, პაკისტანის, თურქეთის, ეგვიპტის, იორდანიისა და ბაჰრეინის ლიდერებთან ირანსა და მშვიდობასთან დაკავშირებულ საკითხებზე.

„შეთანხმება ძირითადად უკვე მიღწეულია და მისი საბოლოო გაფორმება ამერიკის შეერთებულ შტატებს, ირანის ისლამურ რესპუბლიკასა და სხვა ჩამოთვლილ ქვეყნებს შორის უნდა მოხდეს. ცალკე მქონდა სატელეფონო საუბარი ისრაელის პრემიერ-მინისტრ „ბიბი“ ნეთანიაჰუსთანაც, რომელიც ასევე ძალიან კარგად წარიმართა. შეთანხმების საბოლოო ასპექტები და დეტალები ამჟამად განიხილება და მალე გამოცხადდება. შეთანხმებით, სხვა მრავალ ელემენტთან ერთად, ჰორმუზის სრუტე გაიხსნება“, - წერს ტრამპი სოციალურ ქსელში.