ემანუელ მაკრონი: აუცილებელია, რომ ამერიკის შეერთებულ შტატებსა და ირანს შორის შეთანხმება სწრაფად იყოს მიღწეული

საფრანგეთის პრეზიდენტი აცხადებს, რომ შეერთებულ შტატებსა და ირანს შორის შეთანხმების მიღწევა სწრაფად უნდა მოხდეს. ემანუელ მაკრონის თქმით, პრიორიტეტი უნდა იყოს ცეცხლის შეწყვეტის შეთანხმება და ჰორმუზის სრუტის დაუყოვნებლივი გახსნა ყოველგვარი პირობების გარეშე, შემდეგ კი უნდა გაგრძელდეს დისკუსია ისეთ საკითხებზე, როგორიცაა ბირთვული და ბალისტიკური პროგრამები.

მან ახლო აღმოსავლეთის ლიდერებს მოუწოდა, დაეხმარონ აშშ-სა და ირანს სამშვიდობო შეთანხმების მიღწევის შესაძლებლობის გამოყენებაში.

„ყველა მათგანს ერთი და იგივე გზავნილი გადავეცი: აუცილებელია, რომ ამერიკის შეერთებულ შტატებსა და ირანს შორის შეთანხმება სწრაფად იყოს მიღწეული. ეს შესაძლებლობა ხელიდან არ უნდა გავუშვათ“, - დაწერა მან სოციალურ ქსელში.