„ერთიანმა ნეიტრალურმა საქართველომ“ მე-9 რეგიონული ოფისი რუსთავში გახსნა
„ერთიანმა ნეიტრალურმა საქართველომ“ მე-9 რეგიონული ოფისი რუსთავში გახსნა. ცენტრალურ პარკში გამართულ ღონისძიებას ქვემო ქართლის მუნიციპალიტეტების მცხოვრებლები ესწრებოდნენ.
პარტიის ლიდერებმა ნეიტრალიტეტის მნიშვნელობაზე ილაპარკეს და განაცხადეს, რომ მათი ხედვით, ნეიტრალიტეტი ქვეყანას უსაფრთხოების, სტაბილურობისა და ეკონომიკური განვითარების საშუალებას მისცემს.
“დღევანდელი შეხვედრაც და სხვა რეგიონებში გამართული ღონისძიებებიც ადასტურებს, რომ საზოგადოებაში არის მოთხოვნა და დაკვეთა ახალ პოლიტიკურ სისტემასთან დაკავშირებით. ყველას კარგად ესმის, რომ აგენტების რევანშის მუდმივი საფრთხის, მუდმივი რევოლუციური ვითარებების პირობებში ჩვენი ქვეყანა ვერ განვითარდება. საქართველოს აქვს შანსი, რომ გადავიდეს განვითარების ახალ ეტაპზე. ამას სჭირდება შიდა პოლიტიკური სტაბილურობა, მდგრადი და მყარი მშვიდობა. სწორედ ამ გზას სთავაზობს საზოგადოებას “ერთიანი ნეიტრალური საქართველო”, - განაცხადა “ერთიანი ნეიტრალური საქართველოს” აღმასრულებელმა მდივანმა, ვატო შაქარიშვილმა.
იმედი
წყარო: imedinews.ge