ესპანური მედია: ევროკავშირის კორონავირუსის შემდგომი აღდგენის ფონდიდან მილიარდობით ევრო გაქრა

ესპანური მედიის ინფორმაციით, ევროკავშირის კორონავირუსის შემდგომი აღდგენის ფონდიდან მილიარდობით ევრო გაქრა. ევროპის აუდიტორთა სასამართლომ, ამ ფონდიდან გაწეული ხარჯების აღრიცხვისა და გამჭვირვალობის კუთხით, სერიოზული ხარვეზები გამოავლინა. უწყების ცნობით, ევროპელი გადასახადების გადამხდელთა მილიონობით ევრო ისე განაწილდა, რომ უცნობია, კონკრეტულად ვინ მიიღო თანხა, რა დაჯდა კონკრეტული პროექტები და რა იყო მათი შედეგები.

ინფორმაციას, ევროპარლამენტარი ხორხე ბუსადე ბიალვა გამოეხმაურა და აღნიშნა, რომ ევროკომისია სწორედ ასეთი მოდელის დანერგვას ცდილობს ევროკავშირის მთელი ბიუჯეტისთვისაც.