ესტონეთის თავდაცვის მინისტრი: ესტონეთის საჰაერო სივრცეში აღმოჩენილი უკრაინული დრონი რუმინულმა გამანადგურებელმა ჩამოაგდო
იმედი|imedinews.ge
ესტონეთის თავდაცვის მინისტრის ჰანო პევკურის განცხადებით, ქვეყნის თავზე აღმოჩენილი უკრაინული დრონი რუმინეთის გამანადგურებელმა ჩამოაგდო.
მისი განცხადებით, რუმინული თვითმფრინავი საჰაერო სივრცის პატრულირებას ახდენდა, როცა დრონი აღმოაჩინა და ჩამოგდების გადაწყვეტილება მიიღო.
როგორც პევკურმა განაცხადა, უპილოტო საფრენი აპარატის ნაწილები სოფელ კაბლაკულასთან ახლოს ჩამოვარდა.
„დრონი საკმაოდ დაჭაობებულ ადგილას ჩამოვარდა და ახლა ჩვენ სამძებრო სამუშაოებს ვაწარმოებთ“, - განაცხადა ესტონეთის თავდაცვის მინისტრმა.
პევკურმა მადლობა გადაუხადა რუმინელ მოკავშირეებს, რომლებმაც აღნიშნული ოპერაცია ჩაატარეს.
გაზიარება:
იმედი
წყარო: imedinews.ge