ევროკომისიამ რუსეთის წინააღმდეგ სანქციების 21-ე პაკეტი წარადგინა. შეზღუდვები დაუწესდება რუსეთის ენერგეტიკას, საფინანსო სექტორს, კრიპტოვალუტას, ვაჭრობას და თევზჭერას

ევროკომისიის პრეზიდენტმა ურსულა ფონ დერ ლაიენმა რუსეთის წინააღმდეგ სანქციების 21-ე პაკეტი წარადგინა.

ფონ დერ ლაიენის განცხადებით, სანქციების ახალი პაკეტი რუსეთის ენერგეტიკაზე, საფინანსო სექტორზე, კრიპტოვალუტაზე, ვაჭრობასა და თევზჭერაზე ახალი შეზღუდვების დაწესებას გულისხმობს.

„დღეს ჩვენ წარვადგენთ სანქციების 21-ე პაკეტს. ამ პაკეტში ყურადღებას ვამახვილებთ ყველაზე მაღალი გავლენის მქონე სექტორებზე: ენერგეტიკაზე, საფინანსო მომსახურებასა და კრიპტოვალუტაზე, ვაჭრობაზე და პირველად ვრთავთ მეთევზეობას“, - აღნიშნა ფონ დერ ლაიენმა.

გარდა ამისა, როგორც ფონ დერ ლაიენმა განმარტა, ევროკომისიას სურს ევროკავშირში შესვლა აუკრძალოს ყველას, ვინც რუსეთის მხარეს უკრაინის წინააღმდეგ იბრძოდა.

Our sanctions are working. They are weakening the economic foundations of Russia’s war effort. Today we double down. With a 21st package. Covering energy, banks & crypto, trade including fisheries and visa for Russian soldiers ↓ https://t.co/fTIkATOSfN — Ursula von der Leyen (@vonderleyen) June 9, 2026