ევროპარლამენტმა მხარი დაუჭირა სლოვაკეთისთვის ევროკავშირის სახსრების გაყინვას

ევროპარლამენტმა მხარი დაუჭირა დოკუმენტს, რომელიც მოუწოდებს ევროკომისიას, კანონის უზენაესობასთან დაკავშირებული სიტუაციისა და ევროკავშირის ფინანსური ინტერესებისთვის შექმნილი საფრთხის გამო, სლოვაკეთისთვის ევროკავშირის ბიუჯეტიდან გადახდები გაყინოს.

ევროპარლამენტარებმა 418 ხმით მხარი დაუჭირეს დოკუმენტს, რომელიც ოფიციალურად მოუწოდებს ევროკომისიას, პირველად გამოიყენოს ე.წ. „პირობითობის მექანიზმი“ და ევროკავშირის ბიუჯეტიდან სლოვაკეთისთვის გადახდები გაყინოს - რობერტ ფიცოს მთავრობის პოლიტიკის გამო, რომელმაც ქვეყანაში კანონის უზენაესობასა და ევროკავშირის ფინანსურ ინტერესებს საფრთხე შეუქმნა.

მოცემულ საკითხზე ევროპარლამენტის კენჭისყრა არ ნიშნავს თანხების გაყინვისკენ გადადგმულ პირველ ნაბიჯებს - შესაბამისი გადაწყვეტილების მიღება შეუძლია ევროკომისიასა და წევრ ქვეყნებს, ხოლო თავად პროცედურამ შეიძლება თვეები გასტანოს.