ევროპული საბჭოს პრეზიდენტი: რუსეთის მიერ ევროკავშირის ტერიტორიაზე მომხდარი ესკალაცია არის უგუნური და უპასუხისმგებლო. მკაცრად ვგმობ რუმინეთის ეროვნული საჰაერო სივრცისა და საერთაშორისო სამართლის დარღვევას

ევროპული საბჭოს პრეზიდენტი ანტონიუ კოშტა რუსული დრონის მიერ რუმინეთის საჰაერო სივრცის დარღვევას სოციალურ ქსელ X-ში გამოეხმაურა და აღნიშნა, რომ რუსეთის მიერ ევროკავშირის ტერიტორიაზე მომხდარი ესკალაცია არის უგუნური და უპასუხისმგებლო.

კოშტას განცხადებით, ის მკაცრად გმობს რუმინეთის ეროვნული საჰაერო სივრცისა და საერთაშორისო სამართლის დარღვევას.

„რუმინეთს სრულ სოლიდარობას და მხარდაჭერას ვუცხადებ ქალაქ გალაცის სახლზე რუსული უპილოტო საფრენი აპარატის დაცემის გამო, რის შედეგადაც მშვიდობიანი მოსახლეობა დაზარალდა. რუსეთის მიერ ევროკავშირის ტერიტორიაზე მომხდარი ესკალაცია არის უგუნური და უპასუხისმგებლო. მკაცრად ვგმობ რუმინეთის ეროვნული საჰაერო სივრცისა და საერთაშორისო სამართლის დარღვევას. ევროკავშირი სანქციებისა და ჩვენი აღმოსავლეთ საზღვრის გასწვრივ თავდაცვისუნარიანობის გაძლიერების მეშვეობით რუსეთზე ზეწოლაში ერთიანია“, - დაწერა კოშტამ.

ცნობისთვის, გვიან ღამით რუსული დრონი რუმინეთის ქალაქ გალაცში 10-სართულიან საცხოვრებელ სახლს შეეჯახა. ინციდენტის შედეგად ორი ადამიანი დაშავდა. ისინი საავადმყოფოში გადაიყვანეს.

Full solidarity and support to Romania following the crash of a Russian drone on a residential building in Galați, injuring civilians. Russia’s escalation on EU territory is reckless and irresponsible. I condemn in the strongest terms this violation of Romania’s national… — António Costa (@eucopresident) May 29, 2026