FT: მიხაილ ფედოროვი დაბრკოლებას უქმნიდა მათ ინტერესებს, ვისაც უკრაინის თავდაცვის ბიუჯეტიდან სარგებლის მიღება სურდა
Financial Times-ი უკრაინის თავდაცვის მინისტრის გადადგომის შესაძლო მიზეზებზე წერს.
„თავდაცვის სამინისტროს წარმომადგენლების, მაღალჩინოსნებისა და პარლამენტარების ნაწილი მიიჩნევს, რომ მიხაილ ფედოროვი დაბრკოლებას უქმნიდა მათ ინტერესებს, ვისაც თავდაცვის ბიუჯეტიდან სარგებლის მიღება სურდა. ფედოროვი ბლოკავდა ფავორიტ კომპანიებთან მომგებიანი კონტრაქტების გაფორმებას, რამაც მას უკრაინის სამხედრო და პოლიტიკურ ხელმძღვანელობაში მტრები გაუჩინა. ბოლო რამდენიმე თვის განმავლობაში მას უთანხმოება ჰქონდა შეიარაღებული ძალების მთავარსარდალ ალექსანდრ სირსკისთანაც“, - ნათქვამია სტატიაში.
მიხაილ ფედოროვმა უკრაინის თავდაცვის მინისტრის პოსტი გუშინ დატოვა. ადგილობრივი მედიის ცნობით, პრეზიდენტი ვოლოდიმირ ზელენსკი თავდაცვის მინისტრის პოსტზე იგორ კლიმენკოს წარადგენს, რომელიც შინაგან საქმეთა მინისტრის მოვალეობას ასრულებს.
იმედი
წყარო: imedinews.ge