გელა კანდელაკის დაბადებიდან 86 წლის აღსანიშნავად, საქართველოს იუსტიციის სამინისტროს ეროვნული არქივის კინოთეატრში ფილმების რეტროსპექტივა დაიწყო

კინოსა და თეატრში მოღვაწე მრავალმხრივი შემოქმედის, გელა კანდელაკის დაბადებიდან 86 წლის აღსანიშნავად საქართველოს იუსტიციის სამინისტროს ეროვნული არქივის კინოთეატრში ფილმების რეტროსპექტივა დაიწყო. ოთხი დღის განმავლობაში წარმოდგენილი იქნება გელა კანდელაკის, როგორც რეჟისორის, პროდიუსერისა და მსახიობის შემოქმედება.

რეტროსპექტივა გაიხსნა დავით კლდიაშვილის ნაწარმოების მიხედვით გადაღებული მხატვრული ფილმით „უბედურება, ანუ ადამიანური კომედია“. დღეს კი, ოთარ იოსელიანის კინოსურათს „იყო შაშვი მგალობელი“ უჩვენებენ, სადაც გელა კანდელაკი მთავარ როლს ასრულებს. მომდევნო დღეების განმავლობაში ათამდე მხატვრული, დოკუმენტური და ანიმაციური ფილმი იქნება წარმოდგენილი.

ეროვნული არქივის კინოთეატრში გელა კანდელაკის საიუბილეო რეტროსპექტივაზე დასწრება მაყურებლისთვის თავისუფალია.