გელა ხასაიასა და მასთან ერთად დაკავებულ ვასილ ქერდიყოშვილს საპროცესო შეთანხმება გაუფორმდათ

გელა ხასაიასა და მასთან ერთად დაკავებულ ვასილ ქერდიყოშვილს საპროცესო შეთანხმება გაუფორმდათ.

ბრალის აღიარების შედეგად, პროკურატურასთან გაფორმებული საპროცესო შეთანხმების საფუძველზე, გელა ხასაია და ვასილ ქერდიყოშვილი საპატიმროში ერთ წელს გაატარებენ, სამი წლის განმავლობაში კი პირობით მსჯავრს მოიხდიან.

მათ ბრალად ედებათ ჯანმრთლობის ჯგუფურად, განზრახ, ნაკლებად მძიმედ დაზიანება.

„ეს საპროცესო შეთანხმება არც გელა ხასაიასთვის და არც ჩვენთვის არავის არ უჩუქნია. გელა ხასაია და მათ შორის, მე მისი ადვოკატი, არჩევანს ვაკეთებდით არა შეთანხმებასა და სასამართლო გადაწყვეტილების მოლოდინს შორის, არამედ ძალიან მარტივად - 4 წელი თუ 4 თვე გაგვეტარებინა ციხეში“, - აღნიშნა ადვოკატმა ომარ ფურცელაძემ.