გერმანიის ვიცე-კანცლერი: ახლა ნამდვილად არ გვჭირდება დონალდ ტრამპის არანაირი რჩევა - მან საკუთარ ქაოსს უნდა მიხედოს

გერმანიის ვიცე-კანცლერმა, ლარს კლინგბაილმა დაიცვა კანცლერი ფრიდრიხ მერცი შეერთებული შტატების მხრიდან კრიტიკისგან და პასუხი გასცა პრეზიდენტ დონალდ ტრამპს.

კლინგბაილის განცხადება მოჰყვა ტრამპის თავდასხმას მერცზე, სამთავრობო პოლიტიკასა და მთლიანად გერმანიაზე, რაც გამოწვეული იყო კანცლერის მტკიცებით, რომ თეირანმა ვაშინგტონი „დაამცირა“.

კლინგბაილმა, რომელიც ამავდროულად გერმანიის ფინანსთა მინისტრიცაა, განაცხადა, რომ ირანის ომის ფონზე მის ქვეყანას ტრამპის რჩევები არ სჭირდება.

მან აშშ-ის პრეზიდენტს მოუწოდა, ამის ნაცვლად, სამშვიდობო მოლაპარაკებების უზრუნველყოფაზე მოახდინოს ფოკუსირება.

„ჩვენ ახლა ნამდვილად არ გვჭირდება დონალდ ტრამპის არანაირი რჩევა. მან საკუთარ ქაოსს უნდა მიხედოს. მან უნდა უზრუნველყოს, რომ ირანში ახლა სერიოზული სამშვიდობო მოლაპარაკებები იმართებოდეს. ამას ვამბობ განსაკუთრებით ბოლო რამდენიმე დღის გათვალისწინებით, როდესაც ის გერმანიის მთავრობასა და კანცლერს აკრიტიკებდა“, - განაცხადა კლინგბაილმა.

კლინგბაილმა დასძინა, რომ ევროპისთვის გადამწყვეტია იყოს ეკონომიკურად საკმარისად ძლიერი, „რათა არავის მივცეთ ჩვენი დაშანტაჟების უფლება“. მან ასევე აღნიშნა: „არ მინდა, რომ დამოკიდებულნი ვიყოთ იმაზე, თუ რა განწყობაზე იქნება დონალდ ტრამპი დღეს ან ხვალ“.