გერმანული მედია: გერმანიაში შობადობა 1946 წლის მაჩვენებლამდე დაეცა

გერმანიაში შობადობის მაჩვენებელი მეოთხე წელია კლებულობს და 1946 წლის მდგომარეობამდე დაეცა. ინფორმაციას გერმანული გაზეთი Die Zeit-ი ავრცელებს.

„შარშან გერმანიაში 654 300 ათასი ბავშვი დაიბადა, ხოლო 1,01 მილიონი ადამიანი გარდაიცვალა. ბოლოს ასე ცოტა ადამიანი 1946 წელს დაიბადა“, - აღნიშნავს გაზეთი გერმანიის ფედერალურ სტატისტიკურ სამსახურზე დაყრდნობით.

2025 წლის მონაცემები 2024 წლის მაჩვენებლებს 3,4%-ით ჩამოუვარდება. როგორც გაზეთი იუწყება, 2025 წელს 352 ათასი ადამიანით მეტი გარდაიცვალა, ვიდრე დაიბადა.

შობადობა მკვეთრად არის შემცირებული გერმანიის აღმოსავლეთ ნაწილში. გერმანიის აღმოსავლეთ რეგიონებში შობადობა 4,5%-ით არის შემცირებული, ხოლო დასავლეთ რეგიონებში - 3,2%-ით. შობადობის უმნიშვნელო ზრდა, 0,5%-ით, მხოლოდ ჰამბურგშია დაფიქსირებული.