გია აბაშიძე: საქართველოსთვის უზბეკური ტვირთების მოზიდვა მხოლოდ ორმხრივ ურთიერთობას არ გულისხმობს. საქმე ეხება იმის უზრუნველყოფას, რომ ანაკლიის ღრმაწყლოვანი პორტი ტვირთზე მოთხოვნით სარგებლობდეს
უზბეკეთის მთავრობის წარმომადგენელთა ფოთსა და ანაკლიაში ერთგვარი ინპექტირება პრაქტიკული ნაბიჯებია საქართველოს გეოგრაფიის მდგრად ეკონომიკურ უპირატესობად გადაქცევისკენ ტრანზიტის უფრო მაღალი მოცულობით, ცენტრალური აზიის უფრო ძლიერი პარტნიორობით და პორტების/რკინიგზის დაჩქარებული განვითარებით. განსაკუთრებით დროული შუა დერეფანში მზარდი ტვირთბრუნვის ფონზე, - ამის შესახებ ანალიტიკოსი გია აბაშიძე უზბეკეთის მინისტრთა კაბინეტის წევრების ანაკლიაში ვიზიტზე წერს.
როგორც ანალიტიკოსი სოციალურ ქსელში წერს, მარიამ ქვრივიშვილმა საქართველოში ვიზიტით მყოფ უზბეკეთის ინვესტიციების, ინდუსტრიისა და ვაჭრობის მინისტრ ლაზიზ კუდრატოვსა და ტრანსპორტის მინისტრ ილხომ მახკამოვს, ფოთის საპორტო ინფრასტრუქტურა გააცნო და ანაკლიის ღრმაწყლოვანი პორტის სამშენებლო სამუშაოები ადგილზე დაათვალიერებინა.
„უზბეკეთის მთავრობის წარმომადგენელთა ფოთსა და ანაკლიაში ერთგვარი ინპექტირება პრაქტიკული ნაბიჯებია საქართველოს გეოგრაფიის მდგრად ეკონომიკურ უპირატესობად გადაქცევისკენ ტრანზიტის უფრო მაღალი მოცულობით, ცენტრალური აზიის უფრო ძლიერი პარტნიორობით და პორტების/რკინიგზის დაჩქარებული განვითარებით. განსაკუთრებით დროული შუა დერეფანში მზარდი ტვირთბრუნვის ფონზე.
საქართველოსთვის უზბეკური ტვირთების მოზიდვა მხოლოდ ორმხრივ ურთიერთობას არ გულისხმობს. საქმე ეხება ევრაზიული ვაჭრობის უფრო დიდი წილის უზრუნველყოფას და იმის უზრუნველყოფას, რომ ანაკლიის ღრმაწყლოვანი პორტი ტვირთზე მოთხოვნით სარგებლობდეს, რათა ცენტრალურ აზიასა და ევროპას შორის კომერციულად წარმატებულ და სტრატეგიულად მნიშვნელოვან კარიბჭედ იქცეს.
უზბეკეთი საკმაოდ დიდი ბაზრის მქონე სატრანზიტო ქვეყანაა. უფრო ღრმა კავშირები ხელს უწყობს საქართველოს ექსპორტს, ბაზრის დივერსიფიკაციას და ინვესტიციებს პორტებში/რკინიგზაში. ეს შეესაბამება საქართველოს მიზანს, გახდეს თანამედროვე მულტიმოდალური ლოგისტიკური ცენტრი აღმოსავლეთსა და დასავლეთს შორის, რომელსაც განამტკიცებს ისეთი პროექტები, როგორიცაა ფოთის ნავსადგურის გაფართოება და ანაკლიის ღრმაწყლოვანი პორტის მშენებლობის დასრულება“, - წერს აბაშიძე.
იმედი
წყარო: imedinews.ge