გიორგი ახვლედიანი ქართულ დამუკიდებელ მედიაზე თავდასხმაზე: არ გამოვრიცხავ, რომ ეს პროცესი გადაიზარდოს ახალი ფორმის, პერსონალურ სანქციებში, ნამდვილად არ უნდა გაგვიკვირდეს ეს, რადგან ჩვენ ახლა ვართ უმნიშვნელოვანესი ბრძოლის ეპიცენტრში

ის, რომ დასასანქცირებელი ტელევიზიების ჩამონათვალს თუნდაც „რუსთავი 2“ დაუმატეს, უკვე ნიშნავს იმას, რომ რაღაცა სიახლისთვის და ახალი თავდასხმებისთვის ემზადებიან. მე ნამდვილად არ მაქვს ამ ევრობიუროკრატიის იმედი, რომ რაღაცას დაინახავენ, მიხვდებიან და საკუთარი თავის წინააღმდეგ კონკრეტული ქმედებების განხორციელებას დაამთავრებენ, - განაცხადა გადაცემაში „EURO ანატომია“ მედიაპოლიტიკის ექსპერტმა გიორგი ახვლედიანმა.

მისივე თქმით, ეს პროცესი შეიძლება გადაიზარდოს ახალი ფორმის, პერსონალურ სანქციებში.

„არ გამოვრიცხავ იმას, რომ ეს პროცესი შეიძლება გადაიზარდოს ახალი ფორმის სანქციებში, პერსონალურ სანქციებში, ნამდვილად არ უნდა გაგვიკვირდეს ეს, რადგან ჩვენ ახლა ვართ უმნიშვნელოვანესი ბრძოლის ეპიცენტრში, რომელიც მიმდინარეობს ფსევდოლიბერალურ, გარყვნილებაზე ორიენტირებულ, სრულიად არაადეკვატურ განვითარებაზე ორიენტირებულ ევრობიუროკრატიასა და სუვერენიტეტის დაცვის სურვილის მქონე საქართველოს შორის, რომელიც ერთად ვერანაირად ვერ იარსებებს.

ან შენ უნდა დათმო ეს მთავარი ღირებულებები, რომ აღარ იყო თავდასხმის ობიექტი, ან იქ უნდა მიხვდნენ, რომ ასეთი ურთიერთობებით განვითარება არც ევროკავშირს უწერია და არც სხვა გაერთიანებას. ჯერ-ჯერობით ვართ მხოლოდ დაპირისპირების ეპიცენტრში და მითუმეტეს, როდესაც საუბარია ტელევიზიებზე, ვართ უშუალოდ ცეცხლის და ფრონტი წინა ხაზზე“, - გიორგი ახვლედიანმა.