გიორგი ჯინჭარაძე: აფხაზეთიდან დევნილთა სამოქალაქო ინტეგრაციისა და სამშვიდობო პოლიტიკის განხორციელების მიზნით კონკურსი „სამოქალაქო ინტეგრაციის მხარდაჭერა“ დაიწყო
იმედი|imedinews.ge
აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ აფხაზეთის მთავრობის დღევანდელ სხდომაზე სამოქალაქო ინტეგრაციისა და სამშვიდობო ინიციატივების ხელშეწყობის მიზნით ახალი პროგრამის დაწყების შესახებ განაცხადა.
„პირველი ეს არის კონკურსი „სამოქალაქო ინტეგრაციის მხარდაჭერა“, რომლის მიზანია ისეთი ინიციატივების წახალისება, რომლებიც ხელს უწყობს აფხაზეთიდან დევნილთა სამოქალაქო ინტეგრაციას, ნდობის აღდგენასა და სამშვიდობო პოლიტიკის განხორციელებას. კონკურსში მონაწილეობა შეუძლიათ როგორც ფიზიკურ პირებს, ისე საქართველოში რეგისტრირებულ ორგანიზაციებს. თითოეული გამარჯვებული პროექტის მაქსიმალური დაფინანსება 30 000 ლარს შეადგენს“, - განაცხადა გიორგი ჯინჭარაძემ.
ინფორმაციას აფხაზეთის მთავრობა ავრცელებს.
გაზიარება:
იმედი
წყარო: imedinews.ge