გიორგი ვოლსკი: ევროკავშირის დამოკიდებულება საქართველოს მიმართ დღეს განისაზღვრება არა იმ პრინციპიდან გამომდინარე, რომელსაც თუნდაც, სხვადასხვა კვლევა გვიჩვენებს, არამედ მათი ინტერესის შესაბამისად - დაამარცხონ, ან სერიოზული პრობლემები შეუქმნან რუსეთს საქართველოს მეშვეობით
როდესაც ევროკავშირი შეიქმნა, ეფუძნებოდა თანამშრომლობის პრინციპების განვითარებას, რომელიც შექმნიდა კეთილდღეობის რეალობას და ამ კეთილდღეობის სივრცეში ადამიანები იპოვიდნენ პირადი, ოჯახის თუ ქვეყნების განვითარების პერსპექტივას, - განაცხადა გადაცემაში „EURO ანატომია“ პარლამენტის პირველმა ვიცე-სპიკერმა, გიორგი ვოლსკიმ ევროპის კრიზისზე საუბრისას.
მისივე თქმით, ევროკავშირის დამოკიდებულება საქართველოს მიმართ დღეს განისაზღვრება არა იმ პრინციპიდან გამომდინარე, რომელსაც თუნდაც სხვადასხვა კვლევა აჩვენებს, არამედ მათი ინტერესის შესაბამისად - დაამარცხონ, ან სერიოზული პრობლემები შეუქმნან რუსეთს საქართველოს მეშვეობით.
„ევროკავშირისთვის დღეს უკანდასახევი გზა პრაქტიკულად, არ არსებობს. მათთვის ომის შეჩერების თემა დაკავშირებულია გარკვეულ პრობლემებთან, რომლებიც ეხება მათ სამხედრო ინდუსტრიას. ასევე საკმაოდ სერიოზულ საფრთხეს შექმნის უკრაინა სამხედრო ძალებით, რომლებიც ომის შეჩერების შემთხვევაში დაიწყებენ საკუთარი ადგილის ძებნას. ამ ვითარებაში საქართველოს როლი მოიაზრება ამ საომარი ვითარების შენარჩუნების ერთ-ერთ ბერკეტად“, - აღნიშნა გიორგი ვოლსკიმ.
იმედი
წყარო: imedinews.ge