გივი მიქანაძემ სან დიეგოს სახელმწიფო უნივერსიტეტის მრჩეველთა საბჭოს სხდომაში მიიღო მონაწილეობა
საქართველოს განათლების, მეცნიერებისა და ახალგაზრდობის მინისტრმა გივი მიქანაძემ სან დიეგოს სახელმწიფო უნივერსიტეტის მრჩეველთა საბჭოს სხდომაში მიიღო მონაწილეობა.
მინისტრმა საქართველოსა და სან დიეგოს სახელმწიფო უნივერსიტეტს შორის მრავალწლიანი თანამშრომლობის მნიშვნელობაზე ისაუბრა. გივი მიქანაძის თქმით, აღნიშნული პარტნიორობა ხელს უწყობს საქართველოში STEM მიმართულებებით ადამიანური კაპიტალის გაძლიერებას, ხარისხიან უმაღლეს განათლებაზე ხელმისაწვდომობის ზრდას, თანამედროვე ინფრასტრუქტურის განვითარებასა და უნივერსიტეტების ინტერნაციონალიზაციას.
შეხვედრის ფარგლებში მხარეებმა განიხილეს საქართველოს უმაღლესი განათლების სისტემის რეფორმის პროცესში ტრანსნაციონალური განათლების დანერგვის მნიშვნელობა და ამ მიმართულებით გადასადგმელი ნაბიჯები.
მრჩეველთა საბჭოს სხდომაში მონაწილეობდნენ საქართველოს განათლების, მეცნიერებისა და ახალგაზრდობის მინისტრის მოადგილეები - ზვიად გაბისონია, ბაია კვიციანი და სან დიეგოს სახელმწიფო უნივერსიტეტის პროვოსტი და ვიცე-პრეზიდენტი უილიამ ტონგი.
ინფორმაციას განათლების, მეცნიერებისა და ახალგაზრდობის სამინისტრო ავრცელებს.
იმედი
წყარო: imedinews.ge