გორის ინციდენტის ერთ-ერთი ფიგურანტი წუხელ პროკურატურაში გამოიკითხა
გორის ინციდენტის ერთ-ერთი ფიგურანტი წუხელ პროკურატურაში გამოიკითხა, ამის შემდეგ ის სრული სამედიცინო გამოკვლევის მიზნით, გორიდან თბილისში, კლინიკა „ვივამედში“ გადაიყვანეს.
ადვოკატის ინფორმაციით, სამართალდამცველების მიერ დაკავებული პროკურატურის დადგენილების საფუძველზე გათავისუფლდა. მას წუხელ სამედიცინო ექსპერტიზაც ჩაუტარდა - ადვოკატ ლაშა ტყეშელაძის განცხადებით, დაკავებულს დაზიანებები სახეზე, სხეულსა და კიდურებზე აღენიშნება.
ინციდენტზე, რომელშიც პოლიციელები ფიგურირებენ, პროკურატურაში გამოძიება მიმდინარეობს. გორში ეწ. კომბინატის დასახლების მიმდებარე ტერიტორიაზე საგამოძიებო მოქმედებები გუშინ რამდენიმე საათის განმავლობაში მიმდინარეობდა. ადგილზე ექსპერტები და პროკურატურის წარმომადგენლები მუშაობდნენ.
კადრების გავრცელებიდან მალევე, მთავარმა საგამოძიებო უწყებამ გამოძიება ძალადობით უფლებამოსილების სავარაუდო გადამეტების მუხლით დაიწყო.
იმედი
წყარო: imedinews.ge